Muzika programo

Dum la IJK 2020 estos kelkaj retaj koncertoj de konataj artistoj, sed ni ankaŭ bonvenigos novajn artistojn. La koncertoj estos video-elsendoj de duonhoro ĝis unu horo. Intervjuanto demandos kelkajn demandojn pri la muziko inter la kantoj, ankaŭ de spektantoj, do volonte preparu bonajn demandojn!

Jonny M – regeo, repo
Kajto – popolmuziko
Tim Gallego
Platano – hiphopo, repo

Mondovizio

Rigardu pri kio temas: https://www.youtube.com/watch?v=UDde6MD1tWc

Ĉu vi ne estas serioza artisto, sed vi tamen volas montri ion al la mondo? Tio eblas, ĉar IJK organizos Mondovizion! Kreu filmeton, en kiu vi kantas, dancas, ludas instrumenton aŭ ion alian, kaj sendu ĝin. Ni specife bonvenigas vin montri ion el via kulturo, amuzi la publikon per humuro aŭ inspiriĝi de la kongresa temo “Tutmonda solidareco”. La 30 plej mojosaj filmetoj estos elsendataj je la fino de IJK, kaj la venkinton ni anoncos dum la fermo de la kongreso. Ĉu ni revidos vin en la Mondovizio?

  • Sendu al ijk2020@tejo.org kun ‘Mondovizio’ en la titolo. Uzu https://wetransfer.com/ por grandaj dosieroj.
  • Maksimuma longeco: 3 minutoj.
  • Limdato: 15-a de julio, 14:00 UTC. Prefere pli frue!
  • Indiku vian (artistan) nomon, la titolon de via kontribuo, kaj kiun landon vi reprezentas. Tio povas esti via loĝlando, sed ne devas esti (ĝi eĉ ne bezonas esti ekzistanta lando).