Dum la IJK 2020 estis kelkaj retaj koncertoj de konataj artistoj, kaj granda spektaklo kun multaj novaj artistoj. La koncertoj estis video-elsendoj de duonhoro ĝis unu horo. Intervjuanto starigis kelkajn demandojn pri la muziko inter la kantoj, kaj ankaŭ demandojn proponitajn de spektantoj!
Mondovizio
La reklamfilmeto: https://www.youtube.com/watch?v=UDde6MD1tWc
Por la (ankoraŭ) malpli seriozaj artistoj, kiuj tamen vois montri ion al la mondo, en tiu ĉi IJK ni organizis Mondovizion! Partoprenantoj povis sendi filmetojn, en kiuj ili kantas, dancas, ludas instrumenton aŭ ion alian. 18 mojosaj filmetoj estis elsendataj je la fino de IJK, altkvalifikita ĵurio prijuĝis ilin, kaj la publiko finfine voĉdonis por la plej ŝatata el ĉiuj.